Fryske Muzykbrigade moat ommekear wurde foar muzykûnderwiis
De Fryske Muzykbrigade giet freed fan start. Yn dit gearwurkingsprojekt steane tagonklikheid en fernijing fan muzykûnderwiis sintraal. Alle Fryske jonges en famkes tusken de fjouwer en achttjin jier moatte hjirmei de mooglikheid krije om muzyk te meitsjen.
De Fryske Muzykbrigade is in reaksje op de besunigings op keunstûnderwiis fan de lêste jierren. Kulturele Haadstêd 2018 hat by dit projekt in belangrike rol spile.
