SC Cambuur seit kontrakten fan alve spilers op

24 maart 2016, 19:23 • 1 minút lêstiid

Blydskip by de spilers fan SC Cambuur nei de oerwinning tsjin NEC

SC Cambuur hat de kontrakten fan alve spilers opsein. It giet om André Krul, Marlon Pereira, Calvin Mac-Intosch, Furdjel Narsingh, Martijn Barto, Vytautas Andriuškevičius, Kai Heerings, Berend Schootstra, Mikhail Rosheuvel, Jergé Hoefdraad en Valmir Berisha.

It giet om in formele stap: de fuotbalclub is ferplichte om foar 1 april ôfrinnende kontrakten op te sizzen. It wol net sizze dat alle alve spilers takom seizoen echt fuortgean. Cambuur sil nei 1 april noch mei in oantal fan harren yn petear oer ferlinging.