Poepjes nimt it roer oer

De oankommende CDA-deputearre Sietske Poepjes begjint har stadichoan yn te wurkjen yn it provinsjaal bestjoer. Healwei septimber folget se Sjoerd Galema op. Om har goed yn te wurkjen giet se dizze dagen mei Galema mei op wurkbesite.
Woansdei wie dat by de ôffaloven fan Omrin yn Harns. Dêr lieten se har byprate oer de oven en alle saken deromhinne. De provinsje is ferantwurdlik foar de miljeufergunning en de hanthavening derfan.