'Net de lêste lichting PTC+'
Lokaasjemanager Heerema fan de praktykskoalle yn Oentsjerk tinkt net dat dit jier foar it lêst studinten ôfstudearje oan de agraryske skoalle. Tongersdei krigen de 23 learlingen harren diploma.
De skoalle stiet al langere tiid faai. Dat is it gefolch fan it net meidwaan fan eigner PTC Plus oan de Dairy Campus yn Ljouwert. De gebouwen fan de skoalle steane op dit stuit te keap. Mar nettsjinsteande de negative berjochten hâldt Heerema hope.
