PVV wol fiskerijnota
It kolleezje fan deputearre steaten moat sa gau mooglik in fiskerijnota opstelle. Dat wol de steatefraksje fan de PVV yn Fryslân. Neffens de partij moat de Fryske fiskerijsektor folle mear oandacht krije, omdat dy fan grut ekonomysk belang is foar de provinsje.
De PVV fynt it ûnbegryplik en in miste kâns dat der yn de plannen fan de provinsje oant 2015 neat sein wurdt oer maatregels om de Fryske fiskerijsektor te stimulearjen.
