Jeugdhonk Ternaard wer iepen
Jeugdhonk De Hingel yn Ternaard kin nei de simmer wer iepen. De Hingel hat ticht west omdat it bestjoer him weromluts yn ferbân mei ûnder oare fernielings.
It jeugdhonk krijt in oanfoljende subsydzje fan 20.000 euro. Mei dat jild sil in finansjeel skjinne start makke wurde. In gruttere sosjale gearhing yn Ternaard moat problemen by De Hingel tenei foarkomme. Dêrom sil in part fan it jild stutsen wurde yn opbouwurk.
