Iepenloftspul Fisk yn Molkwar
Molkwar hat nei alve jier wer in nij iepenloftspul. It stik 'Fisk, fang dyn gelok' is skreaun troch Romke Gabe Draaijer. It is syn ôfstudearopdracht fan de oplieding drama oan it Friesland College yn Ljouwert.
It stik giet oer trije gewoane minsken dy't it wat minder dreech krije as se oan 'e Iselmar sitte. De try-out is op 27 maaie en de premjêre op 30. Op 31 maaie en op 1 en 6 juny binne de oare foarstellings by 't Slûske oan 'e Iselmar.
