Jacobi tsjin sluting Wyldemerk
Twadde Keamerlid Lutz Jacobi set har yn tsjin de sluting fan de Wyldemerk. Jacobi en twa oare PvdA Twadde Keamerleden betwifelje of't de Wyldemerk wol in earlike kâns hân hat, om't se noch mar in pear jier dwaande binne mei it opfang- en learsintrum.
Ferline wike waard bekend dat gjin subsydzje mear beskikber steld wurdt foar de kampus. Jacobi is benaud dat der te min opfangplakken yn it Noarden oerbliuwe foar jongeren dy't driigje te ûntspoaren.
