Skipsbou liket oan te lûken
It bedriuw Icon Yachts út Harns krijt yn de simmer nei alle gedachten in grutte opdracht binnen. Ferline wike is dêr in yntinsjeferklearring foar ûndertekene. It liket der dêrmei op dat it wer wat better giet yn de skipsbou.
Sûnt de ekonomyske krisis yn 2008 hat it bedriuw hast gjin nije opdrachten binnen krigen en der wiene al plannen foar in reorganisaasje. Dy giet no earst net troch.
