Oprop CDA-Fryslân oan Leers
Jonge bern dy't al jierren yn Nederlân wenje, moatte net it lân útsetten wurde. Minister Leers fan asyl- en ymmigraasjebelied moat syn foech brûke om dy bern in ferbliuwsfergunning te jaan. Dy oprop docht it Fryske CDA oan partijgenoat Leers.
In soad Fryske CDA-ers ha it ôfdielingsbestjoer witte litten dat se it útsetten fan bern net akseptearje. Benammen omdat dy yn it eardere heitelân sjoen wurde as bûtenlanner.
