Soad jild by Ljouwert Culinair
De achtste edysje fan Ljouwert Culinair hat 20.000 euro ophelle foar it goede doel. De opbringst giet nei ferskate organisaasjes. Diere-asyl de Wissel krijt 8.000 euro en de Stichting KET út Tanzania krijt 12.000 euro.
Op it Aldehoustertsjerkhôf koe it publyk yn septimber by Ljouwert Culinair by 20 restaurants in hapke ite. Organisator de Lion's Club Ljouwert is grutsk op de opbringst. It is de heechste opbringst oant no ta.
