NHL moat gearwurking sykje
De Noardlike Hegeskoalle yn Ljouwert, de NHL, moat yn de takomst folle effisjinter wurkje en de gearwurking sykje mei oare hegeskoallen yn de regio. Docht de skoalle dat net, dan komt it fuortbestean yn gefaar. Dat sei bestjoersfoarsitter Willem Smink tongersdeitemiddei by de iepening fan it nije skoaljier.
Neffens Smink stiet de NHL ûnder druk omt it in relatyf lytse hegeskoalle is.
