Dochs aksjes foar Pakistan
It rûn yn Fryslân net stoarm mei aksjes foar Pakistan, mar der is op guon plakken dochs wol aardich wat jild ynsammele. In aksje foar Pakistan yn Easterbierrum hat oant no ta 2.213,24 euro opbrocht. En dat fine de inisjatyfnimmers in geweldich bedrach.
Op tongersdeitejûn hawwe frijwiligers kollektearre yn Easterbierrum en Kleaster Lidlum. De aksje gie út fan de diakonij fan de Sint Joris tsjerke.
