Botulisme troch flaters
In oanienskeakeling fan flaters by de bouwurksumheden oan de kenniskampus yn Ljouwert hat oan tsientallen wetterfûgels it libben koste. Dat seit de Fûgelopfang Ljouwert. De fûgels binne om it libben kaam troch in útbraak fan botulisme.
In pear jier ferlyn wie der op itselde plak ek al in útbraak fan deselde sykte, mar neffens de fûgelopfang is de fersmoarging dy't dêr de oarsaak fan wie, nea goed oprêden.
