Lintsje foar feedokter Idema

14 july 2010, 19:39 • 1 minút lêstiid

Feedokter Idema mei it lintsje (foto: Geurt Maassen van der Brink)

Feearts Altienus Idema fan Bûtenpost is woansdeitemiddei beneamd ta Ridder yn de Oarder fan Oranje Nassau. Hy hat 25 jier foarsitter west fan de stichting Paardensport Buitenpost. Hy wie de driuwende krêft achter it Concours Hippique yn Bûtenpost. Dat groeide ûnder syn lieding út ta in evenemint mei alle jierren 10.000 besikers.

Troch sûnensproblemen moast er koartlyn it foarsitterskip dellizze.