Parkearproblemen yn Bilgaard

7 juny 2010, 10:26 • 1 minút lêstiid

De NHL freget parkearjild

Bewenners fan de Ljouwerter wyk Bilgaard ûnderfine in soad hinder fan studinten en dosinten fan de NHL dy't har auto yn de wyk parkeare. Op it terrein fan de hegeskoalle moat sûnt koart betelle wurde foar it parkearen. Mei it jild wol de hegeskoalle in nije parkearfoarsjenning bouwe.

Mar it resultaat is dat meiwurkers en studinten har auto by it winkelsintrum of De Fennen delsette. De CDA-fraksje hat no fragen steld oan it gemeentebestjoer.