Portret Martena identifisearre

Johann Ludwig Hektor von Isolani
It portret dat oant ferline jier bekend stie as de ferneamde Fryske ealman Hessel van Martena, is einlik identifisearre. Op it skilderij fan Museum Martena yn Frjentsjer stiet Johann Ludwig Hektor von Isolani, in kommandant fan de Kroatyske kavalery yn it leger fan Maximilliaan, keizer fan it Hillige Roomske Ryk.
Ferline jier wie it museum der al achter kaam dat it portret net dat fan Hessel van Martena wêze koe, mar om wa't it wól gie, wist it museum net.