Maïs ûnder foly docht it goed

De proef mei maïs ûnder foly by Raerd wurdt takom jier útwreide. Ut sifers docht bliken dat de maïs it goed docht ûnder foly. De maïs hat in folle heger setmoalgehalte as oars. En ek kin it earder fan it lân helle wurde. Problemen mei wiet waar soene hjirtroch foarby wêze.
De proefopstelling wurdt takom jier útwreide fan 25 nei 75 bunder. Oer in pear jier moat dan alles klear wêze sadat de foly op grutte skaal tapast wurde kin.