Partoer Van der Bos finalist

29 july 2009, 18:24 • 1 minút lêstiid

Herman Sprik dwaande mei it ferwurkjen fan de teloarstelling

It partoer fan Gert-Anne van der Bos giet as favoryt de finale yn (foto's Dirk Jan Haarsma)

Nei in bysûnder spannende heale finale giet it partoer fan Gert-Anne van der Bos, Folkert van der Wei en Daniël Iseger nei de finale fan de 156ste PC. Van der Bos-en-dy hiene yn de heale finale te meitsjen mei in fûl en goed keatsend partoer fan Jan Dirk de Groot, Herman Sprik en Alle Jan Anema.

De striid gie lang gelyk op, mar op 5-5 en 6-4 makke Van der Bos de partij út. Ofrûne snein, op de generale fan de PC yn Arum, wie it partoer De Groot noch te sterk foar Van der Bos.