DS akkoart mei SWH-gemeente
De provinsje giet akkoart mei de nije Súdwesthoekegemeente. Deputearre Steaten wolle steatssiktaris Bijleveld fan binnenlânske saken posityf advisearje oer de weryndieling.
DS fynt lykas de gemeenterieden fan Boalsert, Nijefurd, Snits, Wûnseradiel en Wymbritseradiel dat mei in fúzje it lokaal bestjoer yn Súdwest-Fryslân fersterke wurdt. De fiif gemeenten binne neffens de provinsje op it mêd fan romte, ekonomy, lânskip en maatskippij hast itselde.
