Winkel jout keatsplaatsjes wei
Wa't it album mei fuotbalplaatsjes fol hat, kin ynkoarten oan in nije samling begjinne. In supermerk yn Frjentsjer begjint in keatsplaatsje-aksje.
Net Roy Makaay en Luis Suárez, mar Chris Wassenaar en Klaas Berkepas fergees by de boadskippen. Mirjam Kuipers fan de C1000 hat de aksje betocht om de weriepening fan de winkel nei in grutte ferbouwing ûnder de oandacht te bringen. It keatsbûn wurket mei oan de plaatsje-aksje.
