Man oanholden nei oanriding

11 apr 2009 - 12:51

De plysje yn Dokkum hat sneontemoarn betiid in 20-jierrige ynwenner fan Damwâld oanholden yn ferbân mei it feroarsaakjen fan in oanriding en it riden ûnder ynfloed. Tsjûgen seagen de auto fan de fertochte sûnder ferljochting riden op de Murmerwâldsterdyk yn Dokkum.

De man rekke op dizze dyk in ferkearsboerd en dy kaam dêrtroch midden op de dyk te lizzen. Nei in syktocht waard de man út Damwâld yn it sintrum fan Dokkum oantroffen.

Trefwurden: 
argyf
Diel dit berjocht op:
(advertinsje)