Hjoed mei ûndertitels online
De útstjoering fan 18.00 fan Hjoed is mei yngong fan dizze moanne mei ûndertitels te besjen op ynternet. Hjoed wurdt alle dagen daliks nei de útstjoering ûndertitele foar dôven en minsken dy't min hearre en kin fan jûns 20.00 oere ôf besjoen wurde op de website www.doventv.nl.
Doventv.nl stribbet der nei om safolle mooglik programma's fan publike en regionale omroppen te ûndertiteljen. Omrop Fryslân en Doventv ha al in pear dagen proefdraaid mei de nije service.
