Jong Cambuur lyk tsjin AGOVV
De beloften fan Sportklup Cambuur ha moandeitejûn op it keunstgersfjild fan ONS Snits mei 2-2 lykspile tsjin AGOVV.
Healwei de earste helte skoarde René de Nekker foar Cambuur. Fuortendaliks nei rêst kaam AGOVV lyk. Troch in goal fan Kees Tol waard it net folle letter 2-1, Jeremy Bokila soarge foar de lykmakker. Cambuur krige noch in tal kânsen, mar it bleau 2-2. Takom moandei treffe beide ploegen inoar wer, dan by AGOVV yn Apeldoorn.
