Fermist famke is der wer
It fermiste famke út Leusden is wer fûn. Dat meldt de krante it Algemeen Dagblad. De plysje tocht dat it famke (15) yn Fryslân wêze soe, om't se in treinkaartsje nei Ljouwert kocht hie. It famke gie tiisdei yn plak fan nei skoalle nei de kapper om har hier read fervje te litten, dêrnei is se op de trein stapt.
De plysje wol net fertelle oft se ek yn Ljouwert weromfûn is.
