Poeierbrief CJIB net gefaarlik
De poeierbrief dy't it Centraal Justitieel Incasso Bureau (CJIB) yn Ljouwert tongersdei krige is net gefaarlik. Dat docht bliken út in earste ûndersyk. De kommende dagen wurdt útsocht wat foar poeier der krekt yn de brief siet.
De plysje besiket ek te achterheljen wa't de brief stjoerd hat. It CJIB krige dit jier al earder in poeierbrief tastjoerd. Ek it poeier yn dy brief wie net gefaarlik, it gie doe om talkpoeier.
