Wer ferlies jong Hearrenfean

3 novimber 2008, 21:10 • 1 minút lêstiid

Jong Hearrenfean hat moandeitejûn foar de fjirde kear dizze kompetysje ferlern. Op Sportpark Skoatterwâld wie jong AZ mei 3-1 te sterk. De ploech út Alkmaar iepene nei in kertier de skoare troch Jonatasz Jesus. Twa minuten letter foel de lykmakker fan Reza Ghoochannejhad. Jesus makke yn de ekstra tiid fan de earste helte ek de twadde foar AZ.

Nei it skoft in ûnmachtige thúsploech en de 3-1 fan AZ út in pennel troch Chevello de Rijp.