Tefreden oer WMO-loket

© Omrop Fryslân
Ljouwerters binne tefreden oer it WMO-loket yn de gemeente. Ut lanlik ûndersyk docht bliken dat de gemeente boppegemiddeld skoart. It WMO-loket jout stipe oan âlderen en groanysk siken. De Ljouwerters binne benammen goed te sprekken oer de húshâldlike help en helpmiddels lykas in skootmobyl.
Tefredenheid oer it nije WMO-loket is der ek yn Eaststellingwerf, Dongeradiel, Smellingerlân en Dantumadiel.