Asyls Achtkarspelen bliuwe

© Omrop Fryslân
De kâns bestiet dat de asyls yn Droegeham en Koatstertille de opfang fan hûnen en katten hâlde. De gemeente Achtkarspelen besjocht oft alles yn oarder is by it hûne-asyl yn Droegeham en it kattepensjon yn Koatstertille.
As bliken docht dat der goed foar de bisten soarge wurdt en dat de ûnderkommens ek yn oarder binne, sil de gemeente de kontrakten ferlinge. In moanne lyn liet Achtkarspelen de beide asyls noch witte dat it kontrakt takom jier opsein wurde soe.