Jild moat Noorderlicht rêde
De provinsjes Fryslân en Grinslân en de stêden Ljouwert en Grins jouwe finansjele stipe oan de fotomanifestaasje Noorderlicht. Sûnt acht jier fynt dizze ynternasjonale foto-eksposysje ôfwikseljend plak yn Grins en Ljouwert.
Noorderlicht hat in tekoart fan goed 4 ton. De provinsjes en gemeenten sille dêrom harren subsydzjes earder útbetelje. Dêrtroch kin it personeel fan Noorderlicht betelle wurde.