Plan betinke foar eilân Snits
Troch de oanlis fan in akwadukt ûnder de Geeuw ûntstiet in eilân oan de râne fan Snits, oan de sydkanten fan de nije A7. Studinten binne frege wat te betinken foar dat eilân. Snits wol dat dit wetterrike gebiet in etalaazje foar de stêd wurdt.
De gemeente hat dêrom yn gearwurking mei de NHL studinten út Itaalje, Slovenië, Frankryk en Nederlân frege mei in nij ynrjochtingsplan te kommen. Dat plan wurdt freed bekend makke.
