Aksje foar spoar nei Dútslân
De Partij van het Noorden fierde sneon yn Scheemda (Grinslân) aksje foar in flugge treinferbining fan Noard-Nederlân nei Dútslân. De partij wol dat minsken yn de takomst streekrjocht mei de trein fan Grins nei Bremen en Oberhausen reizgje kinne.
De ferbining moat neffens de partij betelle wurde fan it jild dan it Noarden krijt foar it net trochgean fan it Suderseespoar.
