Kampanje oarlochsslachtoffers
In kampanje moat it wurk fan de Bond van Nederlandse Militaire Oorlogs- en Dienstslachtoffers mear bekendheid jaan yn Fryslân. It startsein dêrfoar waard sneon op 'e Jouwer jûn yn bywêzen fan kommissaris fan 'e Keninginnne Nijpels. In soad militêren en helpferlieners witte net fan it bestean fan 'e BNMO ôf. Op in militêre basis yn Doorn is takom jier in Fryske wike om de nammebekendheid grutter te meitsjen.
