Popgala proai foar Ilanois
De band Ilanois is de grutte winner wurden fan it gala fan de Fryske popmuzyk. Yn de Lawei yn Drachten krige de band sneon de priis foar de song fan it jier en de Ljouwerter Krante publykspriis. Dy lêste krige Ilanois foar de 24-oere aksje dy't de band begjin july hâlde as promoasje foar de single Pouring Rain.
De oeuvre-priis gie nei Ernst Langhout, no solo-artyst, mar earder lid fan de band The Visitor.
