Fryske wurkleazens omleech
De delgong fan de wurkleazens yn Noard-Nederlân set ûnfermindere troch. It persintaazje minsken sûnder wurk dat in baan siket stie ein maaie op 8,5. Dat is 2,1 persint leger as it jier dêrfoar.
Yn Fryslân stiet de wurkleazens op 7,7%, in ôfname fan goed 20% yn in jier tiid. Net allinnich skoart Fryslân dêrmei it bêste yn Noard-Nederlân, ek it ferskil mei it lannelik gemiddelde is lyts.
