Snits wurdt stoomtreinstêd

Stoomtrein tenei tusken Snits en Starum
Yn Snits binne tiisdei plannen presintearre foar de nije toeristyske attraksje Stoomstêd Snits. Dat moat in grutte lûker wurde dy't 300.000 gasten yn it jier nei it gebiet helje moat.
Tusken Snits en Starum komt in stoomtrein te riden. Fierders krijt Snits in stoomferdivedaasjepark foar jong en âld. Der wurdt tusken de 40 en 50 miljoen euro ynvestearre yn de útfiering fan de plannen.