Mear Belgen komme op fakânsje
It giet noch folle better mei it toerisme yn Fryslân as de organisaasje Fryslân Marketing al tocht. Yn 2006 hawwe 13% mear toeristen te gast west. Opfallend is de groei fan it tal gasten út Flaanderen.
Yn in jier tiid is it tal besikers út België mei 57% tanaam. Tusken 2000 en 2004 belibbe it toerisme yn Fryslân meagere jierren, mar troch de trend om koarter, mar faker op fakânsje te gean sit de groei der no wer yn.