Sân bedriget Alvestêderûte
It kin wolris dreech wurde om de noardelike Alvestêderûte op djipte en breedte te hâlden. Dat seine boeren yn it gebiet op in spesjale gearkomste foar grûneigners by de rûte del. Tusken Berltsum en Bartlehiem soe rinsân foarkomme.
It 'loopzand' komt nei boppen ta, as de klaailaach fuorthelle wurdt. De noardelike Alvestêderûte soe takom jier befarber wêze moatte foar lytse boaten.
