Tsjinstauto Polderman: grapke

2 april 2007, 10:09 • 1 minút lêstiid

Polderman hat dochs gjin tsjinstauto nedich

Boargemaster Polderman fan de gemeente Tytsjerksteradiel krijt dochs gjin eigen tsjinstauto mei sjauffeur. Moandei by de presintaasje fan de auto die bliken dat it om in wol hiel lette 1-april-grap fan de gemeente giet.

Ofrûne freed meldde de gemeente dat Polderman in tsjinstauto fan goed 52.000 euro krije soe. Moandei stapte de boargemaster lykwols yn in Fiat Panda. Om't 1 april op in snein foel, helle de gemeente de grap letter út.