Stoomwykein útferkocht
Alle treinkaartsjes foar it tredde nostalgyske stoomwykein yn de súdwesthoeke fan Fryslân binne yn twa wiken tiid ferkocht.
It evenemint op it trajekt Snits-Starum wurdt holden op 21 en 22 april. Dit jier wie it foar it earst mooglik om kaartsjes fia ynternet te bestellen. Der is noch tocht om in ekstra treinstel yn te setten, mar dan moatte reizgers bûten it perron útstappe en dat is in te grut risiko.
