'Trein moat troch Ofslútdyk'
De nije politike beweging De Friezen wol in treinferbining troch de Ofslútdyk. It oanlizzen fan it trajekt soe kombineard wurde kinne mei it opheegjen fan de dyk. Dêrby wurdt yn de midden rûmte frijlitten. Troch de goate dy't ûntstiet, soe de trein ride kinne, tinke De Friezen.
Der moat earst wol proefdraaid wurde, fynt de organisaasje. Dy hat it idee net sels betocht. It komt fan ingenieur Bearnd Hylkema.
