Skoalfamke komt ûnder de auto
By in oanriding op de Valeriusstrjitte yn Ljouwert is in famke (14) út dat plak ferwûne rekke. Se fytste yn in groepke. Op de krusing fan 'e Wagnerstrjitte-Valeriusstrjitte bleaune guonts út 'e groep stean.
It slachtoffer fytste troch en joech gjin foarrang oan in 81-jierrige automobilist út Ljouwert. De man koe it famke net mear ûntwike. Se is mei ferwûnings nei it sikehûs oerbrocht.
