Frivius krijt Fear yn de broek
Frivius Enerzjy yn Dokkum hat dit jier de saneamde 'Fear yn de broek' fan de Ried fan de Fryske beweging krigen.
It bedriuw krijt de ûnderskieding omdat it bedriuw yn harren kommunikaasje nei bûten ta benammen gebrûk makket fan it Frysk. Neffens de Ried fan de Fryske Beweging is Frivius dêrmei in foarbyld fan hoe't bedriuwen yn Fryslân harren presintearje moatte soene.
