Damliteratuer yn Tresoar

31 augustus 2006, 11:21 • 1 minút lêstiid

By Tresoar is fan 11 oktober ôf in grutte kolleksje damliteratuer te besjen. Ljouwerter Geert Bosma sammele fan syn bernetiid ôf in likegrutte kolleksje damparafernalia by inoar as bygelyks de Keninklike Biblioteek hat.

Nei syn ferstjerren yn 2005 hat Bosma syn argyf neilitten oan Tresoar. Op it iepeningsfeestje wurdt in reuzedamspul spile mei Ljouwerter pommeranten as damstikken.