Aksje foar bern yn Jericho
As der net gau wat feroaret, driigje 500 bern yn Jericho op de Westlike Jordaanoever net mear nei skoalle te kinnen. Dat is foar de Fryske stifting Out of the Shadow (OOTS) reden om yn aksje te kommen.
De stifting is ûntstien út ynsidintele projekten en is koartlyn formeel oprjochte. Sikke Marinus fan Nij Beets rekke belutsen doe't er as riedslid út Opsterlân waarnimmer wie by de gemeenteriedsferkiezings yn Palestina.
