PR foar staten en stinzen
Minsken fan bûten Fryslân, mar ek de Friezen sels, moatte witte dat ús provinsje prachtige staten en stinzen hat dêr't je yn sjen kinne of omhinne kuierje kinne. Dat fynt de Stifting Staten en Stinzen yn Fryslân.
Dy presintearre freed yn de Skierstins yn Feanwâlden in brosjuere mei dêryn alle staten en stinzen yn de omkriten fan Ljouwert. Staten en stinzen binne de huzen fan de eardere Fryske elite en adel.
