Blikpôle Grou net ôfgroeven

© Omrop Fryslân
De Blikpôle yn Grou hoecht net ôfgroeven te wurden. De gemeente Boarnsterhim begjint dêr mei de oanlis fan it saneamde Wetterfront. Dat is in plan foar rekreaasje en natuer.
De FNP hie om in ûndersyk frege om't der mooglik miltfjoer ûnder de grûn sit. Miltfjoer is in gefaarlike sykte sy't kij krije kinne. Yn it ferline hat in boer mooglik besmette bisten op dat plak begroeven. Undersyk wiist út dat de besmettingskâns lyts is.