25-jierrich bestean IFKS
De IFKS fiert dit wykein it 25-jierrich bestean op De Lemmer. Omdat mei de SKS meisile net mocht, waard yn 1981 de IFKS oprjochte. De feriening is útgroeid ta in grutte organisaasje mei tsientallen skippen.
Op De Lemmer wurdt it jubileum fierd mei ûnder oare palavers, wedstriden, in bradery, spultsjes foar de bern, admiraalsilen en in spesjale tsjerketsjinst ûnder lieding fan Sieb Bandstra.