Nije Fryske Marren-projekten
De provinsje en de gemeenten Boarnsterhim, Gaasterlân-Sleat en Wûnseradiel binne it iens wurden oer de útfiering fan nije Fryske Marren projekten. Yn Boarnsterhim sil foar sa'n 40 miljoen euro wurk dien wurde. Sa sil de spoarbrêge by Akkrum ferhege wurde en krijt Jirnsum in nije brêge.
Yn Gaasterlân-Sleat komt der in djippere fargeul tusken de Sleattemer Mar en Balk. Yn Wûnseradiel wurdt de rûte Makkum-Boalsert better tagonklik.
