Ljouwerter F16's nei Kandahar

© Omrop Fryslân
It Ljouwerter detasjemint dat op 15 novimber nei Afganistan giet, sil wurkje fan it fleanfjild Kandahar ôf. Oant no ta operearden de F16's fan it ynternasjonale fleanfjild Kaboel ôf.
Der binne twa redenen wêrom't dat feroaret. As earste hat it te krijen mei de Nederlânske misje nei Uruzgan. Kandahar leit dêr tichterby as Kaboel. Boppedat wurdt it fleanfjild by Kaboel hieltiten mear brûkt foar kommersjele fluchten.